حسن بصری رحمہ اللہ ابوہریرہ رضی اللہ عنہ سے روایت کرتے ہیں، انہوں نے کہا کہ رسول اللہ صلی ‌اللہ ‌علیہ ‌وآلہ ‌وسلم نے فرمایا: ”قیامت کے دن لوگ تین بار (اللہ کے حضور) پیش کیے جائیں گے، پہلی دو مرتبہ کی پیشی میں جھگڑا اور معذرت ہوگی اور تیسری پیشی کے وقت ہاتھوں کی طرف اعمال نامے اڑیں گے، چنانچہ کوئی انہیں اپنے دائیں ہاتھ میں پکڑنے والا ہوگا اور کوئی بائیں میں۔“ اور امام ترمذی رحمہ اللہ نے فرمایا: یہ حدیث اس وجہ سے صحیح نہیں کہ حسن بصری رحمہ اللہ نے ابوہریرہ رضی اللہ عنہ سے نہیں سنا۔ اس کی سند ضعیف ہے، اسے امام احمد رحمہ اللہ نے روایت کیا ہے۔ [مشكوة المصابيح/كتاب أحوال القيامة وبدء الخلق/حدیث: 5557]