سليمان بن عبد الملک نے ایک آدمی سے روایت کیا کہ امیر المومنین عمر بن عبد العزیز رحمہ اللہ نے اس کی طرف پیغام بھیجا اور کہا: وہ حدیث جو آپ نے مجھے صناسجی سے بیان کی کیسے ہے؟ اس نے کہا مجھے انہوں نے خبر دی کہ وہ عمرو بن عبسہ رضی اللہ عنہ کے پاس آئے اور کہا، کیا کوئی رسول اللہ صلی اللہ علیہ وسلم سے بغیر کمی، بیشی کے مروی روایت ہے؟ تو انہوں نے کہا ہاں میں نے رسول اللہ صلى الله عليه وسلم کو بیان فرماتے سنا: ”جس نے کسی غلام کو آزاد کیا، اللہ تعالی اس غلام کے ہر عضو (جوڑ) کے بدلے اس کے تمام اعضا کو جہنم سے آزاد کریں گے، اور جس نے اللہ کی راہ میں تیر پھینکا، دشمن تک پہنچایا نہ پہنچا، وہ ایک غلام آزاد کرنے کے برابر ہے اور جس نے اپنے بالوں کو اللہ کی راہ میں سفید کر دیا تو یہ اس کے لیے قیامت کے دن نور (روشنی) ہوں گے۔ [مسند عمر بن عبد العزيز/عمر بن عبد العزيز عن رجل/حدیث: 80]