حضرت عبداللہ بن حارث رضی اللہ عنہ سے روایت ہے، انہوں نے فرمایا: حضرت ابن عباس رضی اللہ عنہما نے بارش کے دن خطبہ دینے کا ارادہ کیا۔ جب مؤذن «حَيَّ عَلَى الصَّلَاةِ» ”آؤ نماز کی طرف“ تک پہنچا تو انہوں نے اسے حکم دیا کہ اعلان کر: ”ہر شخص اپنے گھر میں نماز پڑھ لے۔“ (یہ سن کر) لوگ ایک دوسرے کی طرف دیکھنے لگے تو حضرت ابن عباس رضی اللہ عنہما نے فرمایا: یہ کام اس شخص نے کیا ہے جو ہم سے بہتر تھا۔ اور یہ (نماز جمعہ) عزیمت (ضروری) ہے۔ [صحيح البخاري/كِتَاب الْأَذَانِ/حدیث: 616]