سیدنا عمران بن حصین رضی اللہ عنہ نے بیان کیا کہ (حج میں) تمتع کا حکم قرآن میں نازل ہوا اور ہم نے رسول اللہ صلی اللہ علیہ وسلم کے ساتھ تمتع کے ساتھ (حج) کیا، پھر اس کے بعد قرآن نے اس سے نہیں روکا اور نہ اس سے نبی اکرم صلی اللہ علیہ وسلم نے روکا یہاں تک کہ آپ صلی اللہ علیہ وسلم کی وفات ہو گئی (لہٰذا تمتع اب بھی جائز ہے)، یہ تو ایک صاحب نے اپنی رائے سے جو چاہا کہہ دیا ہے۔ [اللؤلؤ والمرجان/كتاب الحج/حدیث: 767]