حضرت ابن عمر رضی اللہ عنہما کے سامنے تری، مذی اور آدمی کی محسوس ہونے والی کچھ چیزوں کا ذکر کیا گیا تو فرمانے لگے اگر میں ان میں سے کسی چیز کو پاؤں تو غسل کروں گا۔ [مصنف ابن ابي شيبه/كتاب الطهارة/حدیث: 981]

حضرت عائشہ رضی اللہ عنہا فرماتی ہیں کہ منی نکلنے کی صورت میں غسل اور مذی یا ودی نکلنے کی صورت میں وضو لازم ہے۔ [مصنف ابن ابي شيبه/كتاب الطهارة/حدیث: 982]

حضرت ابوہریرہ سے مذی سے غسل کے وجوب کے بارے میں سوال کیا گیا تو انہوں نے فرمایا کہ یہ محض نشاط ہے، اس سے صرف وضو لازم ہوتا ہے۔ [مصنف ابن ابي شيبه/كتاب الطهارة/حدیث: 983]

حضرت استبرق کہتے ہیں کہ میں نے سالم سے مذی کے بارے میں سوال کیا تو فرمایا اس میں وضو کیا جائے گا۔ [مصنف ابن ابي شيبه/كتاب الطهارة/حدیث: 984]

حضرت عکرمہ فرماتے ہیں کہ منی میں غسل ہے اور مذی اور ودی میں آلہ تناسل کو دھو کر غسل کیا جائے گا۔ [مصنف ابن ابي شيبه/كتاب الطهارة/حدیث: 985]

حضرت سماک کہتے ہیں کہ میں نے حضرت حسن بصری سے پوچھا کہ اگر کسی آدمی کی مذی نکل آئے تو وہ کیا کرے؟ فرمایا ہر بالغ مرد کی مذی نکلتی ہے، وہ اپنی شرم گاہ کو دھو لے۔ [مصنف ابن ابي شيبه/كتاب الطهارة/حدیث: 986]

حضرت مجاہد فرماتے ہیں کہ منی میں غسل اور مذی اور ودی میں وضو لازم ہے۔ [مصنف ابن ابي شيبه/كتاب الطهارة/حدیث: 987]

حضرت سعید بن جبیر فرماتے ہیں کہ مذی میں آلہ تناسل کو تین مرتبہ دھو کر وضو کیا جائے گا۔ [مصنف ابن ابي شيبه/كتاب الطهارة/حدیث: 988]

حضرت ابن عباس رضی اللہ عنہما فرماتے ہیں کہ منی میں غسل اور مذی اور ودی میں وضو لازم ہے اور شرم گاہ کو بھی دھوئے گا۔ [مصنف ابن ابي شيبه/كتاب الطهارة/حدیث: 989]