حضرت اشعث فرماتے ہیں کہ میں نے ابن سیرین سے اس شخص کے بارے میں سوال کیا جس کے اس کمرے میں پیشاب موجود ہو جس میں نماز پڑھ رہا ہے؟ تو انہوں نے اسے مکروہ خیال فرمایا۔ میں نے حضرت حسن سے اس بارے میں سوال کیا تو انہوں نے فرمایا کہ نماز تو جائز ہے لیکن وہ پیشاب کو کمرے میں نہ چھوڑے۔ [مصنف ابن ابي شيبه/كتاب الطهارة/حدیث: 1860]

حضرت ابن بریدہ اپنے والد سے روایت کرتے ہیں کہ اس طشت میں پیشاب نہ کرو جو تمہارے نماز والے کمرے میں موجود ہو اور غسل خانے میں بھی پیشاب نہ کرو۔ [مصنف ابن ابي شيبه/كتاب الطهارة/حدیث: 1861]

حضرت ابن عمر رضی اللہ عنہما فرماتے ہیں کہ جس کمرے میں پیشاب ہو فرشتے اس میں داخل نہیں ہوتے۔ [مصنف ابن ابي شيبه/كتاب الطهارة/حدیث: 1862]

حضرت سلمان ابو شداد فرماتے ہیں کہ حضور صلی اللہ علیہ وآلہ وسلم کے مولیٰ ابو رافع اپنے بستر پر بیٹھے مجھے حکم دیتے کہ میں انہیں ان کا پیشاب دان دوں۔ پھر وہ اس میں پیشاب کرتے۔ [مصنف ابن ابي شيبه/كتاب الطهارة/حدیث: 1863]

حضرت سعید ابن ابی بردہ فرماتے ہیں کہ میں نے ابو وائل کو دیکھا کہ وہ کمرے میں نماز پڑھنے کی جگہ بیٹھے تھے، پھر انہوں نے طشت منگوا کر اس میں پیشاب کیا۔ [مصنف ابن ابي شيبه/كتاب الطهارة/حدیث: 1864]