حضرت محمد فرماتے ہیں کہ حائضہ خاتون حضور صلی اللہ علیہ وآلہ وسلم کو کنگھا کیا کرتی تھیں اور حضور صلی اللہ علیہ وآلہ وسلم فرماتے تھے کہ اس کا حیض اس کے ہاتھ میں نہیں ہے۔ [مصنف ابن ابي شيبه/كتاب الطهارة/حدیث: 2127]

حضرت عائشہ رضی اللہ عنہا فرماتی ہیں کہ میں حضور صلی اللہ علیہ وآلہ وسلم کے سر میں کنگھا کیا کرتی تھی حالانکہ میں حالت حیض میں اور حضور صلی اللہ علیہ وآلہ وسلم حالت اعتکاف میں ہوتے تھے۔ [مصنف ابن ابي شيبه/كتاب الطهارة/حدیث: 2128]

حضرت نافع فرماتے ہیں کہ بعض اوقات حضرت ابن عمر رضی اللہ عنہما کی حائضہ باندی انہیں وضو کراتی اور ان کے پاؤں دھوتی تھی۔ [مصنف ابن ابي شيبه/كتاب الطهارة/حدیث: 2129]

حضرت عبداللہ بن دینار فرماتے ہیں کہ حضرت ابن عمر رضی اللہ عنہما کی حائضہ باندی ان کے پاؤں دھویا کرتی تھی۔ [مصنف ابن ابي شيبه/كتاب الطهارة/حدیث: 2130]

حضرت عائشہ رضی اللہ عنہا فرماتی ہیں کہ حضور صلی اللہ علیہ وآلہ وسلم اپنا سر مبارک میری طرف بڑھاتے حالانکہ میں حالت حیض میں اور آپ حالت اعتکاف میں ہوتے تھے، پھر آپ صلی اللہ علیہ وآلہ وسلم اپنا سر مبارک میری گود میں رکھ دیتے اور میں آپ کا سر دھوتی اور کنگھی کرتی حالانکہ میں حالت حیض میں ہوتی تھی۔ [مصنف ابن ابي شيبه/كتاب الطهارة/حدیث: 2131]

حضرت مغیرہ کہتے ہیں کہ حضرت ابو ظبیان نے حضرت ابراہیم سے سوال کیا کہ کیا حائضہ مریض کو وضو کرا سکتی ہے انہوں نے فرمایا کہ اس میں کوئی حرج نہیں۔ [مصنف ابن ابي شيبه/كتاب الطهارة/حدیث: 2132]

حضرت حسن فرماتے ہیں کہ اس بات میں کوئی حرج نہیں کہ حائضہ عورت آدمی کا سر دھوئے اور اس میں کنگھی کرے۔ [مصنف ابن ابي شيبه/كتاب الطهارة/حدیث: 2133]

حضرت منبوذ کی والدہ فرماتی ہیں کہ حضرت ابن عباس رضی اللہ عنہما حضرت میمونہ کی خدمت میں حاضر ہوئے۔ انہوں نے کہا کہ اے میرے بیٹے! کیا بات ہے میں تمہارے بالوں کو پراگندہ حالت میں دیکھ رہی ہوں۔ انہوں نے فرمایا کہ میرے بالوں میں کنگھی کرنے والی ام عمار حالت حیض میں ہیں۔ حضرت میمونہ نے فرمایا کہ اے میرے بیٹے! حیض کیا ہاتھ میں ہوتا ہے؟ رسول اللہ صلی اللہ علیہ وآلہ وسلم اپنا سر مبارک ہم میں کسی کی گود میں رکھتے تھے حالانکہ وہ حائضہ ہوتی تھی۔ [مصنف ابن ابي شيبه/كتاب الطهارة/حدیث: 2134]