مسلم بن ابی مریم کہتے ہیں کہ حضرت علی رضی اللہ عنہ بن حسین اذان دیا کرتے تھے، وہ جب حَیَّ عَلَی الْفَلاَحِ پر پہنچتے تو حَیَّ عَلَی خَیْرِ الْعَمَلِ کہا کرتے تھے اور فرماتے کہ پہلی اذان یہ تھی۔ [مصنف ابن ابي شيبه/كتاب الأذان والإقامة/حدیث: 2259]

حضرت ابن عمر رضی اللہ عنہما اپنی اذان میں الصَّلاَۃُ خَیْرٌ مِنَ النَّوْمِ کہا کرتے تھے اور کبھی حَیَّ عَلَی خَیْرِ الْعَمَلِ بھی کہتے تھے۔ [مصنف ابن ابي شيبه/كتاب الأذان والإقامة/حدیث: 2260]

حضرت ابن عمر رضی اللہ عنہما بعض اوقات اپنی اذان میں حَیَّ عَلَی خَیْرِ الْعَمَلِ کا اضافہ کیا کرتے تھے۔ [مصنف ابن ابي شيبه/كتاب الأذان والإقامة/حدیث: 2261]