حضرت ابراہیم فرماتے ہیں کہ آدمی نے اگر نماز شروع کرتے وقت سبحان اللہ، اللہ اکبر یالا الہ الا اللہ کہا تو جائز ہے۔ اور سہو کے دو سجدے ہوتے ہیں۔ [مصنف ابن ابي شيبه/كتاب الصلوات/حدیث: 2483]

حضرت حکم فرماتے ہیں کہ اگر نماز کے شروع کرتے وقت سبحان اللہ یا لا الہ الا اللہ کہا تو یہ کلمات اللہ اکبر کے قائم مقام ہوجائیں گے۔ [مصنف ابن ابي شيبه/كتاب الصلوات/حدیث: 2484]

حضرت ابو العالیہ سے سوال کیا گیا کہ انبیاء کن کلمات سے نماز شروع کیا کرتے تھے؟ فرمایا کہ وہ توحید، تسبیح اور تہلیل کے کلمات سے نماز شروع کیا کرتے تھے۔ [مصنف ابن ابي شيبه/كتاب الصلوات/حدیث: 2485]

حضرت شعبی فرماتے ہیں کہ تم اللہ تعالیٰ کے ناموں میں سے کسی بھی نام سے نماز شروع کرلو تو جائز ہے۔ [مصنف ابن ابي شيبه/كتاب الصلوات/حدیث: 2486]