حضرت ابوہریرہ فرماتے ہیں کہ جب تک صف میں شامل نہ ہوجاؤ تکبیر نہ کہو۔ [مصنف ابن ابي شيبه/كتاب الصلوات/حدیث: 2656]

حضرت حسن سے اس شخص کے بارے میں سوال کیا گیا جو صف میں شامل ہونے سے پہلے ہی رکوع کرلے؟ فرمایا کہ اسے رکوع نہیں کرنا چاہئے۔ [مصنف ابن ابي شيبه/كتاب الصلوات/حدیث: 2657]

حضرت مغیرہ کہتے ہیں کہ میں نے حضرت ابراہیم سے پوچھا کہ جب میں مسجد میں داخل ہوں اور امام رکوع کی حالت میں ہو تو کیا میں صف میں شامل ہوئے بغیر رکوع کرسکتا ہوں۔ فرمایا تم ایسا نہ کرو۔ [مصنف ابن ابي شيبه/كتاب الصلوات/حدیث: 2658]

حضرت ابوہریرہ فرماتے ہیں کہ جب تم مسجد میں داخل ہو اور امام رکوع کی حالت میں ہو تو جب تک صف میں شامل نہ ہوجاؤ تکبیر نہ کہو۔ حضرت ابوبکر فرماتے ہیں کہ جب اس کے ساتھ کوئی اور آدمی بھی ہو تو صف سے پہلے رکوع کرسکتا ہے، اگر اکیلا ہو تو رکوع نہ کرے۔ [مصنف ابن ابي شيبه/كتاب الصلوات/حدیث: 2659]