اسماعیل بن ابی خالد سے روایت ہے، انہوں نے کہا: ”میں نے ابراہیم (نخعی) کو دیکھا کہ وہ جمعہ کے دن ایک شخص سے اس وقت گفتگو کر رہے تھے جب امام خطبہ دے رہا تھا۔“ [مصنف ابن ابي شيبه/كتاب الجمعة/حدیث: 5415]

عروہ بن زبیر رحمہ اللہ سے روایت ہے کہ وہ جمعہ کے دن اس صورت میں گفتگو کرنے میں کوئی حرج محسوس نہیں کرتے تھے جب خطبہ سنائی نہ دے رہا ہو۔ [مصنف ابن ابي شيبه/كتاب الجمعة/حدیث: 5416]

اسماعیل بن ابراہیم اپنے والد سے روایت کرتے ہیں، انہوں نے بیان کیا: ”میں نے ابراہیم (نخعی) اور سعید بن جبیر کو دیکھا کہ وہ دونوں باہم گفتگو کر رہے تھے جبکہ حجاج (بن یوسف) خطبہ دے رہا تھا۔“ [مصنف ابن ابي شيبه/كتاب الجمعة/حدیث: 5417]