حضرت جعفر اپنے والد سے روایت کرتے ہیں کہ نبی کریم صلی اللہ علیہ وآلہ وسلم نے ارشاد فرمایا: جب مال دو سو درھم تک پہنچ جائے تو اس پر پانچ درھم (زکوٰۃ) ہیں۔ [مصنف ابن ابي شيبه/كتاب الزكاة/حدیث: 10105]

حضرت حسن فرماتے ہیں کہ حضرت عمر بن خطاب نے حضرت ابو موسیٰ اشعری کو لکھا تھا کہ: مسلمان تاجروں میں سے جو بھی تمہارے پاس سے گذرے تو اس کے دو سو دراھم میں سے پانچ درھم (زکوٰۃ) وصول کرلو۔ [مصنف ابن ابي شيبه/كتاب الزكاة/حدیث: 10106]

حضرت ابن سیرین سے مروی ہے کہ حضرت جابر بن الحذاء جو بنی مجاشع کے غلام تھے انہوں نے حضرت ابن عمر رضی اللہ عنہما سے سوال کیا کہ کیا غلام پر بھی زکوٰۃ ہے؟ حضرت ابن عمر رضی اللہ عنہما نے دریافت کیا کہ کیا غلام مسلمان ہے؟ انہوں نے جواب دیا جی ہاں، حضرت ابن عمر رضی اللہ عنہما نے ارشاد فرمایا: ہر دو سو دراھم پر پانچ درھم (زکوٰۃ) ہے۔ [مصنف ابن ابي شيبه/كتاب الزكاة/حدیث: 10107]

حضرت مغیرہ فرماتے ہیں کہ: مباح ہے تم پر زکوٰۃ اس دن جس دن تم دو سو دراہم کے مالک بن گئے، یہاں تک کہ پھر اس پر پورا سال گذر جائے۔ [مصنف ابن ابي شيبه/كتاب الزكاة/حدیث: 10108]

حضرت حسن ارشاد فرماتے ہیں: ہر دو سو دراہم پر پانچ درھم (زکوٰۃ) ہے۔ [مصنف ابن ابي شيبه/كتاب الزكاة/حدیث: 10109]

حضرت جعفر اپنے والد سے مرفوعا روایت فرماتے ہیں کہ نبی کریم صلی اللہ علیہ وآلہ وسلم نے ارشاد فرمایا: جب چاندی پانچ اوقیہ ہوجائے (دو سو درھم) تو اس پر پانچ درھم زکوٰۃ ہے اور ہر چالیس درھموں پہ ایک درھم ہے۔ [مصنف ابن ابي شيبه/كتاب الزكاة/حدیث: 10110]

حضرت طاؤس فرماتے ہیں کہ: دو سو درھم ہوجائیں تو ان پر پانچ درھم (زکوٰۃ) ہیں۔ [مصنف ابن ابي شيبه/كتاب الزكاة/حدیث: 10111]

حضرت حسن ارشاد فرماتے ہیں کہ: جب دو سو درھم ہوجائیں تو ان پر پانچ درھم (زکوٰۃ) ہیں۔ [مصنف ابن ابي شيبه/كتاب الزكاة/حدیث: 10112]

حضرت عمر بن عبد العزیز ارشاد فرماتے ہیں کہ: معادن میں ہر دو سو پر پانچ درھم (زکوٰۃ) ہیں۔ [مصنف ابن ابي شيبه/كتاب الزكاة/حدیث: 10113]

حضرت عطاء فرماتے ہیں کہ: جب دراہم دو سو تک پہنچ جائیں تو ان پر پانچ درھم (زکوٰۃ) ہیں۔ [مصنف ابن ابي شيبه/كتاب الزكاة/حدیث: 10114]