حضرت عمرو بن شعیب اپنے والد اور دادا سے روایت کرتے ہیں کہ نبی کریم صلی اللہ علیہ وآلہ وسلم نے ارشاد فرمایا: کھجور، کشمش، گندم اور جو میں عشر (دسواں حصہ) ہے۔ [مصنف ابن ابي شيبه/كتاب الزكاة/حدیث: 10295]

حضرت موسیٰ بن طلحہ فرماتے ہیں کہ حضرت معاذ جب یمن تشریف لائے تو آپ صرف گندم، جو، کھجور اور کشمش پر زکوٰۃ وصول فرماتے تھے۔ [مصنف ابن ابي شيبه/كتاب الزكاة/حدیث: 10296]

حضرت ابو بردہ ارشاد فرماتے ہیں کہ حضرت ابو موسیٰ اشعری گندم، جو، کھجور اور کشمش پر زکوٰۃ وصول فرمایا کرتے تھے۔ [مصنف ابن ابي شيبه/كتاب الزكاة/حدیث: 10297]

حضرت علی رضی اللہ عنہ کرم اللہ وجہہ ارشاد فرماتے ہیں کہ زکوٰۃ صرف چار چیزوں پر ہے۔ گندم میں، اگر گندم موجود نہ ہو تو کھجور پر ہے، اور اگر کھجور بھی نہ ہو تو کشمش پر ہے اور کشمش نہ ہو تو جو پر ہے۔ [مصنف ابن ابي شيبه/كتاب الزكاة/حدیث: 10298]

حضرت طلحہ بن یحییٰ فرماتے ہیں کہ حضرت عبد الحمید موسیٰ بن طلحہ سے زکوٰۃ کے متعلق سوال کیا گیا تو آپ نے ارشاد فرمایا: زکوٰۃ گندم، جو، کھجور اور کشمش پر ہے۔ [مصنف ابن ابي شيبه/كتاب الزكاة/حدیث: 10299]

حضرت ابن جریج ارشاد فرماتے ہیں کہ حضرت عطاء نے مجھ سے فرمایا: زکوٰۃ صرف کھجور، انگور اور دانے پر ہے۔ اور یہی بات مجھ سے حضرت عمرو بن دینار نے بھی فرمائی۔ [مصنف ابن ابي شيبه/كتاب الزكاة/حدیث: 10300]

حضرت حسن ارشاد فرماتے ہیں کہ زکوٰۃ گندم، جو، کھجور اور کشمش پر ہے۔ [مصنف ابن ابي شيبه/كتاب الزكاة/حدیث: 10301]