حضرت حسن فرماتے ہیں کہ اس کی جگہ دوبارہ زکوٰۃ ادا کرے گا۔ [مصنف ابن ابي شيبه/كتاب الزكاة/حدیث: 10787]

حضرت مغیرہ اپنے اصحاب سے روایت کرتے ہیں وہ فرماتے ہیں کہ جب مال کی زکوٰۃ نکالی جائے اور وہ ضائع ہوجائے تو اس کی جگہ دوبارہ زکوٰۃ نکالنا پڑے گی۔ [مصنف ابن ابي شيبه/كتاب الزكاة/حدیث: 10788]

حضرت حماد فرماتے ہیں کہ آدمی اپنی زکوٰۃ نکال کر مصرف پر خرچ کرنے سے پہلے ہی وہ ہلاک ہوجائے تو یہ اسی طرح ہے کہ جس طرح آدمی پیسے اپنے قرض خواہ کی طرف بھیجے لیکن وہ اس تک پہنچنے سے پہلے ہی ہلاک ہوجائیں۔ [مصنف ابن ابي شيبه/كتاب الزكاة/حدیث: 10789]

حضرت حکم فرماتے ہیں کہ یہ کافی نہیں ہے (دوبارہ ادا کرنا پڑے گی)۔ [مصنف ابن ابي شيبه/كتاب الزكاة/حدیث: 10790]

حضرت عطاء فرماتے ہیں کہ آدمی مال پر زکوٰۃ نکالے لیکن وہ ہلاک ہوجائے تو وہ اس کی طرف سے کافی ہے۔ (دوبارہ ادا کرنے کی ضرورت نہیں ہے) [مصنف ابن ابي شيبه/كتاب الزكاة/حدیث: 10791]

حضرت ابراہیم سے دریافت فرمایا گیا کہ آدمی مال کی زکوٰۃ نکالے لیکن وہ ہلاک ہوجائے، آپ نے فرمایا یہ کافی نہیں ہے بلکہ اس کی جگہ دوبارہ زکوٰۃ ادا کرنا پڑے گی۔ [مصنف ابن ابي شيبه/كتاب الزكاة/حدیث: 10792]

حضرت حسن فرماتے ہیں کہ اس کی جگہ دوبارہ زکوٰۃ ادا کی جائے گی۔ [مصنف ابن ابي شيبه/كتاب الزكاة/حدیث: 10793]