حضرت محمد بن زیاد الالھانی فرماتے ہیں کہ میں نے حضرت ابو امامہ باہلی سے سنا وہ فرماتے ہیں کہ: تلوار کا زیور خزانہ میں سے ہے۔ [مصنف ابن ابي شيبه/كتاب الزكاة/حدیث: 10847]

حضرت عبید اللہ بن عبید فرماتے ہیں کہ میں نے حضرت مکحول سے کہا: اے ابو عبد اللہ! میرے پاس ایک تلوار ہے جو ایک سو پچاس درہم کی ہے۔ کیا اس کی زکوٰۃ ہے؟ آپ نے فرمایا: تیرے پاس جو سو نا چاندی ہے اس کے ساتھ ملا لے اور پھر اس میں زکوٰۃ ہے وہ ادا کر دے۔ [مصنف ابن ابي شيبه/كتاب الزكاة/حدیث: 10848]

حضرت حجاج فرماتے ہیں کہ میں نے حضرت عطاء، حضرت حماد اور حضرت ابراہیم سے دریافت کیا کہ میرے پاس ایک برتن ہے جس پر پانی (سونے یا چاندی کا) چڑھا ہوا ہے اور زیور والی تلوار ہے اور زیور والا پٹکا ہے۔ جب میں سب کو جمع کرتا ہوں تو ان کی قیمت دو سو درہم بن جاتی ہے، کیا میں اس پر زکوٰۃ ادا کروں گا؟ سب حضرات نے فرمایا کہ نہیں۔ [مصنف ابن ابي شيبه/كتاب الزكاة/حدیث: 10849]

حضرت مالک بن عبد اللہ الکلاعی فرماتے ہیں کہ میں نے حضرت مالک بن مغول کو یہ فرماتے ہوئے سنا کہ تلوار کا زیور (حکم میں) خزانہ میں سے ہے۔ [مصنف ابن ابي شيبه/كتاب الزكاة/حدیث: 10851]