حضرت حسن فرماتے ہیں کہ رکاز بھی قدیم خزانہ ہے اور اسمیں بھی خمس ہے۔ [مصنف ابن ابي شيبه/كتاب الزكاة/حدیث: 11088]

حضرت حسن فرماتے ہیں کہ اگر خزانہ دشمن کی زمین سے ملے تو اس میں خمس ہے اور اگر عرب کی زمین سے ملے تو اس میں زکاۃ ہے۔ [مصنف ابن ابي شيبه/كتاب الزكاة/حدیث: 11089]

حضرت ابراہیم بن المنتشر اپنے والد سے روایت کرتے ہیں کہ ایک شخص نے حضرت عائشہ رضی اللہ عنہا سے دریافت کیا کہ مجھے خزانہ ملے تو کیا میں وہ حکمران کے سپرد کر دوں؟ آپ نے فرمایا تیرے منہ میں خاک یا اس سے ملتا جلتا کلمہ ارشاد فرمایا۔ راوی کہتے ہیں کہ شک میری طرف سے ہے۔ [مصنف ابن ابي شيبه/كتاب الزكاة/حدیث: 11090]

حضرت ابوہریرہ سے مروی ہے کہ نبی کریم صلی اللہ علیہ وآلہ وسلم نے ارشاد فرمایا: رکاز میں (بھی) خمس ہے۔ [مصنف ابن ابي شيبه/كتاب الزكاة/حدیث: 11091]

حضرت عبد اللہ المزنی اپنے والد اور دادا سے روایت کرتے ہیں کہ نبی کریم صلی اللہ علیہ وآلہ وسلم نے ارشاد فرمایا: رکاز میں خمس ہے۔ [مصنف ابن ابي شيبه/كتاب الزكاة/حدیث: 11092]

حضرت عبد اللہ بن عباس رضی اللہ عنہما سے مروی ہے کہ نبی کریم صلی اللہ علیہ وآلہ وسلم نے رکاز میں خمس کا فیصلہ فرمایا۔ [مصنف ابن ابي شيبه/كتاب الزكاة/حدیث: 11093]

حضرت عکرمہ سے سوال کیا گیا کہ ایک شخص نے زمین سے زخیرہ شدہ مال پایا ہے؟ آپ نے فرمایا اس کا خمس ادا کرو۔ [مصنف ابن ابي شيبه/كتاب الزكاة/حدیث: 11094]