حضرت ابن عباس رضی اللہ عنہما نے ایک شخص کو دیکھا وہ اپنی بیوی کو گالی نکال رہا تھا، آپ نے اس سے پوچھا تجھے کیا ہوا ہے؟ اس نے عرض کیا میری مذی یا منی خارج ہوگئی، حضرت ابن عباس رضی اللہ عنہما نے فرمایا اس کو گالی مت نکال، اس کے لیے دم (جانور کا خون بہا) دے۔ [مصنف ابن ابي شيبه/كتاب الحج/حدیث: 13166]

حضرت طائف والوں میں سے ایک شخص حج کا احرام باندھ کر آیا، اس نے چمن میں کچھ عورتیں دیکھیں اور دیکھتا ہی چلا گیا، یہاں تک کہ اس کی مذی خارج ہوگئی، پھر اس نے حضرت سعید بن جبیر سے دریافت کیا؟ آپ نے فرمایا دم ادا کر دے اور تیرا حج مکمل ہوگیا ہے۔ [مصنف ابن ابي شيبه/كتاب الحج/حدیث: 13167]

حضرت ھبیرہ الضبی فرماتے ہیں کہ میں اپنی بیوی کے ساتھ (حالت احرام میں) مکہ کے لیے نکلا، میں بیوی سے باتیں کر رہا تھا کہ میری مذی خارج ہوگئی، میں نے حضرت عطاء سے دریافت کیا؟ آپ نے فرمایا: دم میں بکری ذبح کرو۔ [مصنف ابن ابي شيبه/كتاب الحج/حدیث: 13168]

حضرت عطاء فرماتے ہیں کہ جب تک التقائے ختانین نہ ہو حج فاسد نہیں ہوتا، جب التقائے ختانین ہوگیا تو حج فاسد ہوگیا اور جرمانہ واجب ہوگیا۔ [مصنف ابن ابي شيبه/كتاب الحج/حدیث: 13169]