حضرت ابن عمر رضی اللہ عنہما ارشاد فرماتے ہیں کہ مجھے اس بات کی پرواہ نہیں ہے کہ میں جمرات کی رمی چھ کنکریوں سے کروں یا سات سے کروں اور حضرت ابن عباس رضی اللہ عنہما ارشاد فرماتے ہیں کہ ہم لوگ جاہلیت میں بھی سات کنکریوں سے رمی کرتے تھے اور اسلام میں بھی سات سے کرتے ہیں۔ [مصنف ابن ابي شيبه/كتاب الحج/حدیث: 13933]

حضرت طاؤس اس شخص کے متعلق فرماتے ہیں جو چھ کنکریوں سے رمی کرے وہ کوئی چیز صدقہ کرے۔ [مصنف ابن ابي شيبه/كتاب الحج/حدیث: 13935]

حضرت مجاہد فرماتے ہیں اس پر کچھ بھی لازم نہیں۔ [مصنف ابن ابي شيبه/كتاب الحج/حدیث: 13936]

حضرت عطاء سے دریافت کیا گیا کہ اگر کوئی شخص پانچ کنکریوں سے رمی کرے؟ آپ نے فرمایا اگر ایام تشریق نہیں گذرے تو باقی کنکریاں بھی مار لے اور اگر ایام تشریق گذر گئے ہیں تو ان پر دم ادا کرے۔ [مصنف ابن ابي شيبه/كتاب الحج/حدیث: 13937]

حضرت حسن فرماتے ہیں کہ اگر کوئی شخص جمرات کی رمی چھ کنکریوں سے کرے تو اس کو چاہئے کہ رمی دوبارہ کرے۔ [مصنف ابن ابي شيبه/كتاب الحج/حدیث: 13938]