حضرت زہری فرماتے ہیں کہ جس شخص کو جنگ میں (یا دار الحرب میں) روک دیا جائے تو جہاں اس کو روکا جائے وہاں قربانی کرے اور عورتوں اور تمام ممنوعہ اشیاء سے حلال ہوجائے، جیسے نبی کریم صلی اللہ علیہ وآلہ وسلم نے (صلح حدیبیہ میں) کیا۔ علقمہ محصر کے متعلق فرماتے ہیں کہ وہ ھدی بھیج دے اور جب وہ ذبح ہوجائے تو احرام کھول دے۔ [مصنف ابن ابي شيبه/كتاب الحج/حدیث: 14393]

حضرت علقمہ محصر کے متعلق فرماتے ہیں کہ وہ ھدی بھیج دے اور جب وہ ذبح ہوجائے تو احرام کھول دے۔ [مصنف ابن ابي شيبه/كتاب الحج/حدیث: 14394]

حضرت ابراہیم فرماتے ہیں کہ حضرت سعید بن جبیر نے مجھ سے اس کے متعلق پوچھا؟ میں نے ان کو خبر دی، آپ نے فرمایا اسی طرح حضرت ابن عباس رضی اللہ عنہما نے فرمایا تھا۔ [مصنف ابن ابي شيبه/كتاب الحج/حدیث: 14395]

حضرت عروہ محصر کے متعلق فرماتے ہیں کہ وہ جب واپس لوٹ جائے تو حلال نہیں ہوگا سوائے اس کے سر کے۔ [مصنف ابن ابي شيبه/كتاب الحج/حدیث: 14396]

حضرت عطاء فرماتے ہیں کہ وہ ہر چیز سے حلال ہوجائے گا وہ اب حلال آدمی کے مرتبہ میں ہے۔ [مصنف ابن ابي شيبه/كتاب الحج/حدیث: 14397]

حضرت عبد اللہ فرماتے ہیں کہ جب اس کی ھدی ذبح کردی جائے تو وہ احرام کھول دے۔ [مصنف ابن ابي شيبه/كتاب الحج/حدیث: 14398]

حضرت اسود فرماتے ہیں کہ ایک شخص قبیلہ وھبیل میں محصر ہوگیا، حضرت عبد اللہ نے فرمایا: جب اس کی ھدی ذبح کردی جائے تو یہ تمام ممنوعات سے حلال ہوجائے گا۔ [مصنف ابن ابي شيبه/كتاب الحج/حدیث: 14399]

حضرت حسن محصر کے متعلق فرماتے ہیں کہ وہ ھدی بھیجے گا جب وہ ذبح کردی جائے تو ہ احرام کھول دے گا اور اس پر آئندہ سال حج کی قضا ہے۔ [مصنف ابن ابي شيبه/كتاب الحج/حدیث: 14400]

حضرت محمد فرماتے ہیں کہ جب کسی شخص پر حج فرض ہوجائے اور چل پڑے پھر اس کو روک دیا جائے تو وہ ھدی بھیجے گا، جب ھدی ذبح کے مقام تک پہنچ جائے تو وہ احرام کھول دے اور واپس چلا جائے اگر چاہے تو اور اس پر دوبارہ احرام باندھ کر حج کی قضا ہے۔ [مصنف ابن ابي شيبه/كتاب الحج/حدیث: 14401]

حضرت ابن عون فرماتے ہیں کہ میں نے حضرت سالم، حضرت قاسم سے محصر کے متعلق دریافت کیا؟ آپ حضرات نے بھی حضرت محمد کے قول کے مثل ارشاد فرمایا۔ [مصنف ابن ابي شيبه/كتاب الحج/حدیث: 14402]