حضرت ابراہیم فرماتے ہیں کہ سب پر ایک ہی جزاء آئے گی۔ [مصنف ابن ابي شيبه/كتاب الحج/حدیث: 15924]

حضرت شعبی بھی یہی فرماتے ہیں۔ [مصنف ابن ابي شيبه/كتاب الحج/حدیث: 15925]

حضرت حکم فرماتے ہیں کہ اگر وہ سب اس شکار میں شریک ہوں اور اس کے ساتھی فدیہ ادا نہ کریں تو اس ایک پر تمام فدیہ لازم ہے۔ [مصنف ابن ابي شيبه/كتاب الحج/حدیث: 15926]

حضرت عطاء، حضرت طاؤس اور حضرت مجاہد فرماتے ہیں کہ اس صورت میں ایک ہی جزاء سب پر لازم ہے، اور حضرت مجاہد فرماتے ہیں اگر سب نے اس میں سے کھالیا تو پھر ہر ایک پر الگ الگ جزاء لازم ہے۔ [مصنف ابن ابي شيبه/كتاب الحج/حدیث: 15927]

حضرت سعید فرماتے ہیں کہ ہر ایک پر الگ الگ جزاء لازم ہے۔ [مصنف ابن ابي شيبه/كتاب الحج/حدیث: 15929]

حضرت شعبی بھی یہی فرماتے ہیں۔ [مصنف ابن ابي شيبه/كتاب الحج/حدیث: 15930]

حضرت شعبی فرماتے ہیں کہ اگر سارے شکار میں شریک ہوں تو ہر ایک پر جزاء لازم ہے۔ [مصنف ابن ابي شيبه/كتاب الحج/حدیث: 15931]

حضرت عطاء فرماتے ہیں کہ اگر اس میں سے کھالیا تو پھر ہر ایک پر جزاء لازم ہے، اور اگر اس میں سے نہ کھایا تو پھر ان دونوں پر ایک ہی جزاء لازم ہے۔ [مصنف ابن ابي شيبه/كتاب الحج/حدیث: 15932]

حضرت حجاج فرماتے ہیں کہ میں نے حضرت ابو جعفر اور حضرت عطاء سے دریافت کیا کہ اگر کچھ محرم لوگ مل کر شکار کرلیں؟ آپ نے فرمایا سب پر ایک جزاء لازم آئے گی۔ [مصنف ابن ابي شيبه/كتاب الحج/حدیث: 15933]