حضرت سعید بن جبیر اللہ تعالیٰ کے ارشاد { مَنِ اسْتَطَاعَ اِلَیْہِ سَبِیْلًا } کے متعلق فرماتے ہیں کہ جو شخص زاد راہ اور سواری پالے اس پر حج فرض ہے۔ [مصنف ابن ابي شيبه/كتاب الحج/حدیث: 16430]

حضرت ابن عمر رضی اللہ عنہما سے مروی ہے کہ ایک شخص نبی کریم صلی اللہ علیہ وآلہ وسلم کی طرف کھڑا ہوا اور عرض کیا کہ اے اللہ کے رسول (صلی اللہ علیہ وآلہ وسلم)! کیا چیز حج کو واجب کرتی ہے؟ آپ صلی اللہ علیہ وآلہ وسلم نے ارشاد فرمایا زاد راہ اور سواری، اس شخص نے عرض کیا اے اللہ کے رسول (صلی اللہ علیہ وآلہ وسلم)! حج کس چیز کا نام ہے؟ آپ صلی اللہ علیہ وآلہ وسلم نے ارشاد فرمایا: غبار آلود ہونا اور بدبودار ہونا، اس شخص نے عرض کیا اے اللہ کے رسول (صلی اللہ علیہ وآلہ وسلم)! افضل حج کون سا ہے؟ آپ صلی اللہ علیہ وآلہ وسلم نے ارشاد فرمایا جس میں بلند آواز سے تلبیہ پڑھا جائے اور قربانی کی جائے۔ [مصنف ابن ابي شيبه/كتاب الحج/حدیث: 16431]

حضرت مجاہد فرماتے ہیں کہ { مَنِ اسْتَطَاعَ اِلَیْہِ سَبِیْلًا } سے مراد زاد راہ اور سواری ہے۔ [مصنف ابن ابي شيبه/كتاب الحج/حدیث: 16433]

حضرت ابن زبیر فرماتے ہیں کہ اتنی خوراک کہ جس سے قوت اور طاقت حاصل ہو سکے۔ [مصنف ابن ابي شيبه/كتاب الحج/حدیث: 16434]

حضرت ابن عباس رضی اللہ عنہما اللہ تعالیٰ کے ارشاد { مَنِ اسْتَطَاعَ اِلَیْہِ سَبِیْلًا } کے متعلق فرماتے ہیں کہ زاد راہ اور سواری مراد ہے۔ [مصنف ابن ابي شيبه/كتاب الحج/حدیث: 16435]

حضرت حسن سے مروی ہے کہ نبی کریم صلی اللہ علیہ وآلہ وسلم نے ارشاد فرمایا زاد راہ اور سواری والے پر حج فرض ہے۔ [مصنف ابن ابي شيبه/كتاب الحج/حدیث: 16436]

نبی کریم صلی اللہ علیہ وآلہ وسلم سے اسی طرح مروی ہے۔ [مصنف ابن ابي شيبه/كتاب الحج/حدیث: 16437]

حضرت حسن اللہ تعالیٰ کے ارشاد { مَنِ اسْتَطَاعَ اِلَیْہِ سَبِیْلًا } کے متعلق فرماتے ہیں السبیل سے مراد زاد راہ اور سواری ہے۔ [مصنف ابن ابي شيبه/كتاب الحج/حدیث: 16438]

حضرت عمر اللہ تعالیٰ کے ارشاد { مَنِ اسْتَطَاعَ اِلَیْہِ سَبِیْلًا } کے متعلق فرماتے ہیں کہ زاد راہ اور سواری مراد ہے، اور حضرت ابن عباس رضی اللہ عنہما فرماتے ہیں کہ جو شخص گنجائش پائے اور اس کے درمیان کوئی چیز (رکاوٹ) حائل نہ ہو، حضرت عطاء نے فرمایا ہے سبیلا (راستہ) ہے جیسا کہ اللہ تعالیٰ نے ارشاد فرمایا ہے۔ [مصنف ابن ابي شيبه/كتاب الحج/حدیث: 16439]