حضرت عمر رضی اللہ عنہ فرماتے ہیں کہ اگر میرے پاس کوئی حلالہ کرنے والا لایا گیا یا وہ شخص لایا گیا جس کے لئے حلالہ کیا گیا تھا تو میں انہیں سنگسار کروں گا۔ [مصنف ابن ابي شيبه/كتاب النكاح/حدیث: 17959]

حضرت ابن عمر رضی اللہ عنہما فرماتے ہیں کہ اللہ تعالیٰ نے حلالہ کرنے والے، حلالہ کرانے والے اور حلالہ کی جانے والی عورت سب پر لعنت فرمائی ہے۔ [مصنف ابن ابي شيبه/كتاب النكاح/حدیث: 17960]

حضرت ابن عمر رضی اللہ عنہما سے سوال کیا گیا کہ عورت کو پہلے خاوند کے لئے حلال کرانا کیسا ہے؟ انہوں نے فرمایا کہ یہ بےحیائی ہے اور اگر حضرت عمر رضی اللہ عنہ ہوتے تو تمہیں اس عمل پر عبرت کا نشان بنا دیتے۔ [مصنف ابن ابي شيبه/كتاب النكاح/حدیث: 17961]

حضرت سعید بن جبیر فرماتے ہیں کہ حلالہ کرنے والا ملعون ہے۔ [مصنف ابن ابي شيبه/كتاب النكاح/حدیث: 17962]

حضرت ابراہیم رحمہ اللہ اور حضرت حسن رحمہ اللہ فرماتے ہیں کہ اگر تینوں میں سے ایک کا ارادہ طلاق کا ہو تو نکاح فاسد ہوجائے گا۔ [مصنف ابن ابي شيبه/كتاب النكاح/حدیث: 17963]

حضرت شعبہ رحمہ اللہ کہتے ہیں کہ اگر ایک آدمی نے عورت سے اس لئے شادی کی کہ وہ اسے پہلے خاوند کے لئے حلال کرے گا تو اس کا کیا حکم ہے؟ حضرت حکم نے فرمایا کہ اسے اپنے پاس روکے رکھے۔ حضرت حماد رحمہ اللہ نے فرمایا کہ میرے نزدیک اس سے جدا ہوجانا بہت رہے۔ [مصنف ابن ابي شيبه/كتاب النكاح/حدیث: 17965]

حضرت جابر بن زید رحمہ اللہ اس شخص کے بارے میں جس نے کسی عورت سے اس لئے شادی کی تاکہ اسے پہلے خاوند کے لئے حلال کرے، حالانکہ وہ اس بات کو نہ جانتا تھا۔ فرماتے ہیں کہ اگر صرف حلال کرنے کے لئے شادی کی ہے تو یہ درست نہیں۔ [مصنف ابن ابي شيبه/كتاب النكاح/حدیث: 17967]

حضرت ابن سیرین رحمہ اللہ کہتے ہیں کہ حلالہ کرنے والے اور جس کے لئے حلالہ کرایا جائے دونوں پر لعنت کی گئی ہے۔ [مصنف ابن ابي شيبه/كتاب النكاح/حدیث: 17968]