حضرت زید بن اسلم رحمہ اللہ فرماتے ہیں کہ ایک آدمی نے حضور 5 سے سوال کیا کہ کیا میں اپنی ماں کے پاس جانے سے پہلے ان سے اجازت طلب کروں؟ حضور 5 نے فرمایا کہ ہاں، کیا تم انہیں عریاں دیکھنا پسندکروگے؟ [مصنف ابن ابي شيبه/كتاب النكاح/حدیث: 18527]

حضرت حذیفہ رضی اللہ عنہ رحمہ اللہ فرماتے ہیں کہ اگر تم ایسا نہیں کرو گے تو تمہیں ایسی چیزدیکھنی پڑ سکتی ہے جو تمہیں پسند نہ ہو۔ [مصنف ابن ابي شيبه/كتاب النكاح/حدیث: 18528]

حضرت ابو عبد الرحمن رحمہ اللہ فرماتے ہیں کہ ایک آدمی نے حضرت عمر رضی اللہ عنہ سے فرمایا کہ کیا میں اپنی ماں کے پاس جانے سے پہلے اجازت طلب کروں؟ حضرت عمر رضی اللہ عنہ نے فرمایا ہاں، اجازت طلب کرو۔ [مصنف ابن ابي شيبه/كتاب النكاح/حدیث: 18529]

حضرت علقمہ رحمہ اللہ فرماتے ہیں کہ ایک آدمی حضرت عبد اللہ رضی اللہ عنہ کے پاس آیا اور اس نے کہا کہ کیا میں اپنی والدہ کے پاس آنے سے پہلے اجازت طلب کروں؟ انہوں نے فرمایا کہ جی ہاں، وہ ہر وقت ایسی حالت میں نہیں ہوتیں جس میں دیکھنا تمہیں پسند ہو۔ [مصنف ابن ابي شيبه/كتاب النكاح/حدیث: 18530]

حضرت مجاہد رحمہ اللہ فرماتے ہیں کہ حضرت عطاء رحمہ اللہ اور ان کی کچھ بہنیں مکہ میں ایک گھر میں رہتے تھے۔ حضرت عطاء رحمہ اللہ اپنی مصروفیات کی وجہ سے رات کو دیر سے گھر آتے تھے۔ انہوں نے حضرت ابن عباس رضی اللہ عنہما سے سوال کیا کہ میں جب بھی ان کے پاس جاؤں تو ان سے اجازت طلب کروں؟ حضرت ابن عباس رضی اللہ عنہما نے فرمایا کہ ہاں اور آپ نے انہیں بغیر اجازت جانے کی اجازت نہ دی۔ [مصنف ابن ابي شيبه/كتاب النكاح/حدیث: 18531]

حضرت جابر رضی اللہ عنہ فرماتے ہیں کہ اپنی والدہ کے پاس جانے سے پہلے اجازت طلب کرو خوا ہ وہ بوڑھی ہوں۔ [مصنف ابن ابي شيبه/كتاب النكاح/حدیث: 18532]

حضرت عبد اللہ رضی اللہ عنہ فرماتے ہیں کہ تم پر لازم ہے کہ اپنی ماؤں کے پاس جانے سے پہلے اجازت طلب کرو۔ [مصنف ابن ابي شيبه/كتاب النكاح/حدیث: 18533]

حضرت عبد اللہ رضی اللہ عنہ فرماتے ہیں کہ آدمی اپنے ماں باپ، اپنی بیٹی، اپنے بھائی اور اپنی بہن کے پاس جانے سے پہلے اجازت طلب کرے۔ [مصنف ابن ابي شيبه/كتاب النكاح/حدیث: 18534]

حضرت زہری اور حضرت حسن d فرماتے ہیں کہ آدمی اپنی ماں کے پاس جانے سے پہلے اجازت طلب کرے گا۔ [مصنف ابن ابي شيبه/كتاب النكاح/حدیث: 18535]