حضرت سلیمان رحمہ اللہ فرماتے ہیں کہ میں نے حضرت عکرمہ رحمہ اللہ سے عرض کیا کہ حجام کی کمائی کو کیوں ناپسند کیا گیا ہے؟ آپ رحمہ اللہ نے فرمایا: اس کو ناپسند نہیں کیا گیا۔ [مصنف ابن ابي شيبه/كتاب البيوع والأقضية/حدیث: 22260]

حضرت ابو قلابہ فرماتے ہیں کہ اگر حجام خون نہیں چوستا تو میں اس کمائی میں کوئی حرج نہیں سمجھتا۔ [مصنف ابن ابي شيبه/كتاب البيوع والأقضية/حدیث: 22261]

حضرت زید بن اسامہ رضی اللہ عنہ فرماتے ہیں کہ میں نے حضرت سالم رحمہ اللہ اور حضرت قاسم رحمہ اللہ سے حجام کی کمائی کے متعلق دریافت کیا؟ آپ رضی اللہ عنہ دونوں حضرات نے اس میں کوئی حرج نہ سمجھا اور قرآن پاک کی یہ آیت تلاوت فرمائی: { قُلْ لاَ أَجِدُ فِیمَا أُوحِیَ إلَیَّ مُحَرَّمًا عَلَی طَاعِمٍ یَطْعَمُہُ } [مصنف ابن ابي شيبه/كتاب البيوع والأقضية/حدیث: 22262]

حضرت عثمان بن عفان رحمہ اللہ فرماتے ہیں کہ مجھے حجام اور حمّام کی اجرت اور کمائی پسند نہیں۔ [مصنف ابن ابي شيبه/كتاب البيوع والأقضية/حدیث: 22263]

حضرت حارث رحمہ اللہ کا ایک غلام تھا جو حجام تھا۔ [مصنف ابن ابي شيبه/كتاب البيوع والأقضية/حدیث: 22264]

حضرت قاسم رحمہ اللہ سے حجامت کے کمائی کے متعلق دریافت کیا گیا؟ آپ رحمہ اللہ نے اس میں کوئی حرج نہ سمجھا۔ [مصنف ابن ابي شيبه/كتاب البيوع والأقضية/حدیث: 22265]

حضرت حرام بن سعد بن محیّصۃ رحمہ اللہ کے والد نے نبی کریم صلی اللہ علیہ وسلم سے حجام کی کمائی کے متعلق دریافت کیا؟ آپ صلی اللہ علیہ وسلم نے اس سے منع فرمایا، وہ مسلسل آپ صلی اللہ علیہ وسلم سے کلام کرتے رہے یہاں تک کہ آپ صلی اللہ علیہ وسلم نے ارشاد فرمایا: اُن پیسوں سے اونٹ کو چارہ ڈال دو یا غلام کو کھلا دو۔ [مصنف ابن ابي شيبه/كتاب البيوع والأقضية/حدیث: 22266]

حضرت انس رضی اللہ عنہ سے مروی ہے کہ نبی کریم صلی اللہ علیہ وسلم نے ابو طیبہ حجام سے پچھنے لگوائے اور اس کو دو صاع کھانا عطاء فرمایا اور اس کے گھر والوں سے بات فرمائی انہوں نے اس کے غلہ میں تخفیف کردی۔ [مصنف ابن ابي شيبه/كتاب البيوع والأقضية/حدیث: 22267]

حضرت ابن عمر رضی اللہ عنہما سے مروی ہے کہ ابو طیبہ نامی حجام سے آپ صلی اللہ علیہ وسلم نے پچھنے لگوائے اور اس سے پوچھا تیری کتنی اجرت ہے؟ اس نے عرض کیا تین صاع۔ آپ صلی اللہ علیہ وسلم نے اس میں سے ایک صاع کم کرو ا کر اس کو اس کا اجر (دو صاع) عطا فرمایا۔ [مصنف ابن ابي شيبه/كتاب البيوع والأقضية/حدیث: 22268]

حضرت عطاء رحمہ اللہ فرماتے ہیں کہ حجام کی کمائی میں کوئی حرج نہیں ہے جو وہ قینچی کے ساتھ کمائے۔ [مصنف ابن ابي شيبه/كتاب البيوع والأقضية/حدیث: 22269]