حضرت ابراہیم رحمہ اللہ اس کو ناپسند سمجھتے تھے کہ کوئی شخص کسی کو اس شرط پر مال مضاربت دے کہ وہ اس کو کوئی سامان دے دے۔ [مصنف ابن ابي شيبه/كتاب البيوع والأقضية/حدیث: 22817]

حضرت طاؤس رحمہ اللہ بھی اس کو مکروہ سمجھتے تھے۔ [مصنف ابن ابي شيبه/كتاب البيوع والأقضية/حدیث: 22818]

حضرت حسن رحمہ اللہ سے دریافت کیا گیا کہ کسی شخص کو اس شرط پر مال مضاربت دینا کہ وہ سامان دے دے؟ آپ رحمہ اللہ نے اس کو ناپسند سمجھا۔ حضرت ابن سیرین رحمہ اللہ اس میں کوئی حرج نہ سمجھتے تھے۔ [مصنف ابن ابي شيبه/كتاب البيوع والأقضية/حدیث: 22819]

حضرت محمد بن سیرین رحمہ اللہ فرماتے ہیں کہ کوئی شخص کسی کو مال مضاربت دے اور اس پر سامان کی یا کام کرنے کی شرط لگائے تو اس میں کوئی حرج نہیں ہے۔ [مصنف ابن ابي شيبه/كتاب البيوع والأقضية/حدیث: 22821]