حضرت ابراہیم فرماتے ہیں کہ اگر کوئی شخص اپنے غلام سے کہے کہ بیشک تو آزاد نفس والا ہے تو وہ آزاد شمار ہوگا۔ [مصنف ابن ابي شيبه/كتاب البيوع والأقضية/حدیث: 24954]

حضرت حسن سے مروی ہے کہ اگر کوئی شخص اپنے غلام سے یوں کہے کہ: نہیں ہے تو مگر آزاد تو اس کی نیت کا اعتبار ہے۔ [مصنف ابن ابي شيبه/كتاب البيوع والأقضية/حدیث: 24955]

حضرت شعبی رحمہ اللہ سے بھی اسی طرح منقول ہے۔ [مصنف ابن ابي شيبه/كتاب البيوع والأقضية/حدیث: 24956]

حضرت شعبی رحمہ اللہ اس شخص کے متعلق فرماتے ہیں جس کے غلام کو کسی شخص نے قتل کیا، اس نے کہا وہ تمہاری طرح آزاد ہے تو اس طرح کہنے سے وہ آزاد شمار ہوگا۔ [مصنف ابن ابي شيبه/كتاب البيوع والأقضية/حدیث: 24957]