حضرت یحییٰ بن عبد اللہ بن مالک سے روایت ہے کہ جناب رسول اللہ صلی اللہ علیہ وآلہ وسلم اپنے کپڑوں کو زعفران سے رنگا کرتے تھے یہاں تک کہ عمامہ کو بھی۔ [مصنف ابن ابي شيبه/كتاب اللباس/حدیث: 26354]

حضرت احنف بن قیس سے روایت ہے وہ کہتے ہیں کہ حضرت عثمان تشریف لائے اور آپ پر آپ کی چادر پیلے رنگ کی تھی جس سے آپ نے اپنے سر کو ڈھانپا ہوا تھا۔ [مصنف ابن ابي شيبه/كتاب اللباس/حدیث: 26355]

حضرت عمرو بن میمون سے روایت ہے کہ جس دن حضرت عمر پر حملہ ہوا اس دن آپ نے پیلے کپڑے پہنے ہوئے تھے۔ [مصنف ابن ابي شيبه/كتاب اللباس/حدیث: 26356]

حضرت ابو ظبیان سے روایت ہے وہ کہتے ہیں کہ میں نے حضرت علی رضی اللہ عنہ پر پیلے رنگ کی قمیص اور ازار دیکھی۔ [مصنف ابن ابي شيبه/كتاب اللباس/حدیث: 26357]

حضرت زبیر کی اولاد میں سے عباد بن حمزہ نامی شخص سے روایت ہے کہ حضرت زبیر بن عوام کے سر پر پیلے رنگ کا عمامہ یوں بندھا ہو اتھا کہ ٹھوڑی سے نیچے اس کا کوئی حصہ نہیں تھا تو فرشتے اترے اور انہوں نے بھی پیلے رنگ کی پگڑیاں باندھی ہوئی تھیں۔ [مصنف ابن ابي شيبه/كتاب اللباس/حدیث: 26358]

حضرت شیبانی سے روایت ہے وہ کہتے ہیں کہ میں نے حضرت علی رضی اللہ عنہابن الخنفیہ پر پیلے رنگ کی چادر دیکھی۔ [مصنف ابن ابي شيبه/كتاب اللباس/حدیث: 26359]

حضرت اسماعیل بن خالد سے روایت ہے وہ کہتے ہیں کہ میں نے حضرت مصعب بن سعید (کے جسم) پر پیلے رنگ کی ازار دیکھی جبکہ وہ مساکین کے ساتھ بیٹھے ہوئے تھے۔ [مصنف ابن ابي شيبه/كتاب اللباس/حدیث: 26360]

حضرت ابو ظبیان سے روایت ہے وہ کہتے ہیں کہ میں نے حضرت علی رضی اللہ عنہ پر پیلے رنگ کی ازار دیکھی جو نشانات والی روئی سے بنی ہوئی تھی۔ [مصنف ابن ابي شيبه/كتاب اللباس/حدیث: 26361]

حضرت عمرو بن مرزوق سے روایت ہے وہ کہتے ہیں کہ میں نے حضرت ابراہیم پر زرد رنگ کا ازار دیکھا۔ [مصنف ابن ابي شيبه/كتاب اللباس/حدیث: 26362]

حضرت حنش بن حارث سے روایت ہے وہ کہتے ہیں کہ میں نے حضرت ابراہیم پر زرد رنگ کی چادر اور زرد کپڑا دیکھا۔ [مصنف ابن ابي شيبه/كتاب اللباس/حدیث: 26363]