حضرت اکیل سے روایت ہے وہ کہتے ہیں کہ میں نے حضرت ابراہیم کو سردیوں میں جب بھی دیکھا تو آپ پر زرد رنگ کی چادر اور زرد رنگ کا ازار ہوتا تھا۔ [مصنف ابن ابي شيبه/كتاب اللباس/حدیث: 26364]

حضرت مالک بن مغول بیان کرتے ہیں کہتے ہیں کہ میں نے حضرت حماد کو نماز پڑھتے دیکھا جبکہ ان (کے جسم) پر زرد رنگ کا ازار تھا۔ [مصنف ابن ابي شيبه/كتاب اللباس/حدیث: 26365]

حضرت حسین بن علی رضی اللہ عنہ بیان کرتے ہیں کہتے ہیں کہ میں نے حضرت عبد اللہ بن حسن پر ایک زرد رنگ کی چادر دیکھی جس کے ذریعہ انہوں نے مسجد حرام میں (اپنے) گھٹنوں اور کمر کو باندھا ہوا تھا۔ [مصنف ابن ابي شيبه/كتاب اللباس/حدیث: 26366]

حضرت قیس بن سعد سے روایت ہے وہ کہتے ہیں کہ جناب نبی کریم صلی اللہ علیہ وآلہ وسلم ہمارے پاس تشریف لائے تو ہم نے آپ صلی اللہ علیہ وآلہ وسلم کے لئے پانی رکھا جس سے آپ صلی اللہ علیہ وآلہ وسلم نے ٹھنڈک حاصل کرنی تھی۔ چناچہ آپ صلی اللہ علیہ وآلہ وسلم نے غسل کیا پھر میں آپ صلی اللہ علیہ وآلہ وسلم کے پاس زرد رنگ کی چادر لایا تو میں نے آپ صلی اللہ علیہ وآلہ وسلم کے پیٹ کی سلوٹ پر ورس (بوٹی) کا اثر دیکھا۔ [مصنف ابن ابي شيبه/كتاب اللباس/حدیث: 26367]