حضرت عبد اللہ بن سعید سے روایت ہے۔ وہ کہتے ہیں کہ میں نے حضرت علی رضی اللہ عنہ بن حسین پر ایک سفید رنگ کی دو تہہ والی بڑی ٹوپی دیکھی۔ [مصنف ابن ابي شيبه/كتاب اللباس/حدیث: 26468]

حضرت ہشام سے روایت ہے۔ وہ کہتے ہیں کہ میں نے حضرت ابن زبیر پر ایک ایسی ٹوپی دیکھی جس کا چھتا بھی تھا۔ جب آپ بیت اللہ کا طواف کرتے تھے تو اس کے چھتے کے ذریعہ دھوپ سے بچاؤ کرتے تھے۔ [مصنف ابن ابي شيبه/كتاب اللباس/حدیث: 26469]

حضرت یزید سے روایت ہے۔ وہ کہتے ہیں کہ میں نے حضرت ابراہیم پر ایک ایسی بڑی ٹوپی دیکھی جس کے اطراف میں لومڑی یا نیولے کی کھال سے پیوند کاری تھی۔ [مصنف ابن ابي شيبه/كتاب اللباس/حدیث: 26470]

حضرت اجلح سے روایت ہے۔ وہ کہتے ہیں کہ میں نے حضرت ضحاک پر لومڑی کی (کھال سے بنی) ٹوپی تھی۔ [مصنف ابن ابي شيبه/كتاب اللباس/حدیث: 26471]

حضرت اشعث، اپنے والد سے روایت کرتے ہیں کہ حضرت ابو موسیٰ، قضاء حاجت سے فارغ ہو کر باہر آئے، آپ (کے سر) پر ایک بڑی ٹوپی تھی چناچہ آپ نے اس پر مسح کیا۔ [مصنف ابن ابي شيبه/كتاب اللباس/حدیث: 26472]