حضر ت مغیرہ سے روایت ہے۔ وہ کہتے ہیں کہ حضرت ابراہیم اس بات میں کوئی حرج نہیں دیکھتے تھے کہ آدمی پچاس درہم کا کپڑا پہنے …یعنی شال۔ [مصنف ابن ابي شيبه/كتاب اللباس/حدیث: 26527]

حضرت ابراہیم بن محمد، اپنے والد سے حضرت مسروق کے بارے میں روایت کرتے ہیں کہ وہ شال کے علاوہ کسی کپڑے کو مہنگا نہیں خریدتے تھے۔ [مصنف ابن ابي شيبه/كتاب اللباس/حدیث: 26528]

حضرت محمد سے روایت ہے۔ وہ کہتے ہیں کہ حضرت تمیم کے پاس ایک چادر تھی جو انہوں نے ایک ہزار میں خریدی تھی اور وہ اس میں نماز پڑھا کرتے تھے۔ [مصنف ابن ابي شيبه/كتاب اللباس/حدیث: 26529]

حضرت ابن عمر رضی اللہ عنہما سے روایت ہے۔ وہ کہتے ہیں کہ حضرت عمر، جناب نبی کریم صلی اللہ علیہ وآلہ وسلم کے صحابہ میں سے ایک آدمی کو نو سو کا ایک جوڑا پہناتے تھے۔ [مصنف ابن ابي شيبه/كتاب اللباس/حدیث: 26530]

حضرت ابراہیم بن محمد بن منتشر سے روایت ہے۔ وہ کہتے ہیں کہ حضرت مسروق کسی کپڑے کو مہنگا نہیں لیتے تھے مگر شال کو۔ [مصنف ابن ابي شيبه/كتاب اللباس/حدیث: 26531]