حضرت ابوہریرہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: کہ تم میں سے کسی کے پیٹ کا پیپ سے پر ہو کر خراب ہوجانا اس سے بہتر ہے کہ وہ شعر و شاعری سے پر ہو۔ حضرت حفص نے اس حدیث کو بیان کرتے ہوئے لفظ جوف کا ذکر نہیں کیا۔ [مصنف ابن ابي شيبه/ كتاب الأدب/حدیث: 27764]

حضرت ابو سعید خدری فرماتے ہیں کہ ہم لوگ رسول اللہ صلی اللہ علیہ وآلہ وسلم کے پاس وادیٔ عرج میں بیٹھے ہوئے تھے کہ ایک شاعر نے اپنا کلام پیش کرنا شروع کردیا۔ ا س پر رسول اللہ صلی اللہ علیہ وآلہ وسلم نے فرمایا: اس شیطان کو پکڑو یا یوں فرمایا کہ اس شیطان کو روکو۔ اس لیے کہ تم میں سے کسی کے پیٹ کا پیپ سے بھر جانا اس سے بہتر ہے کہ وہ شعر و شاعری سے بھرا ہوا ہو۔ [مصنف ابن ابي شيبه/ كتاب الأدب/حدیث: 27765]

حضرت ابن عمر رضی اللہ عنہما فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: کہ ایک آدمی کا پیٹ پیپ سے پُر ہوجانا اس سے بہتر ہے کہ وہ شعر و شاعری سے پُر ہو۔ [مصنف ابن ابي شيبه/ كتاب الأدب/حدیث: 27766]

حضرت ابو الز عرا فرماتے ہیں کہ حضرت عبد اللہ بن مسعود رضی اللہ عنہ نے ارشاد فرمایا: کہ ایک آدمی کے پیٹ کا پیپ سے پُر ہوجانا اس سے بہتر ہے کہ وہ شعر و شاعری سے پُر ہو۔ [مصنف ابن ابي شيبه/ كتاب الأدب/حدیث: 27767]

حضرت ابراہیم فرماتے ہیں کہ حضرت عثمان نے ارشاد فرمایا: کہ کسی آدمی کے پیٹ کا پیپ سے پُر ہوجانا اس سے بہتر ہے کہ وہ شعر و شاعری سے پُر ہو۔ [مصنف ابن ابي شيبه/ كتاب الأدب/حدیث: 27768]

حضرت ابو صالح فرماتے ہیں کہ حضرت ابوہریرہ نے ارشاد فرمایا: کہ کسی آدمی کے پیٹ کا پیپ سے پُر ہوجانا اس سے بہتر ہے کہ وہ پیپ سے پُر ہو۔ [مصنف ابن ابي شيبه/ كتاب الأدب/حدیث: 27769]

حضرت عمرو بن حریث فرماتے ہیں کہ حضرت عمر بن خطاب نے ارشاد فرمایا: کہ کسی آدمی کے پیٹ کا پیپ سے پُر ہوجانا اس بات سے بہتر ہے کہ وہ شعر و شاعری سے پُر ہو۔ [مصنف ابن ابي شيبه/ كتاب الأدب/حدیث: 27770]

حضرت ابو الضحی فرماتے ہیں کہ حضرت مسروق نے ایک مرتبہ کسی شعر کا ایک مصرعہ پڑھا اور دوسرا مصرعہ پڑھنے سے خاموش ہوگئے، اور فرمایا: کہ میں ناپسند کرتا ہوں کہ میرے نامہ اعمال میں شعر کا ایک مصرعہ بھی لکھا جائے۔ [مصنف ابن ابي شيبه/ كتاب الأدب/حدیث: 27771]

حضرت ابو نوفل بن ابو عقرب فرماتے ہیں کہ حضرت عائشہ رضی اللہ عنہا سے سوال کیا گیا کہ کیا رسول اللہ صلی اللہ علیہ وآلہ وسلم کے ہاں اشعار سنائے جاتے تھے؟ آپ نے جواب دیا: آپ صلی اللہ علیہ وآلہ وسلم کے نزدیک سب سے مبغوض ترین بات شعر کہنا تھی۔ [مصنف ابن ابي شيبه/ كتاب الأدب/حدیث: 27772]

حضرت عوام فرماتے ہیں کہ حضرت ابراہیم نے ارشاد فرمایا: کہ صحابہ اس شعر کو انتہائی ناپسند کرتے تھے جو قرآن مجید کے مشابہ ہو۔ [مصنف ابن ابي شيبه/ كتاب الأدب/حدیث: 27773]