حضرت ابوہریرہ فرماتے ہیں کہ رسول اللہ صلی اللہ علیہ وآلہ وسلم کا گزر کسی آدمی کے پاس سے ہوا جو پیٹ کے بل لیٹا ہو اتھا۔ آپ صلی اللہ علیہ وآلہ وسلم نے فرمایا: بیشک یہ وہ لیٹنا ہے جسے اللہ پسند نہیں فرماتے۔ [مصنف ابن ابي شيبه/ كتاب الأدب/حدیث: 28383]

حضرت یعیش بن قیس بن طخفہ فرماتے ہیں کہ میرے والد اصحاب صفہ میں سے تھے وہ فرماتے ہیں کہ اس درمیان کہ میں صبح کے وقت پیٹ کے بل لیٹا ہو اتھا کہ اچانک کسی آدمی نے مجھے اپنی ٹانگ ماری اور فرمایا: یہ وہ لیٹنا جسے اللہ تعالیٰ پسند نہیں فرماتے۔ آپ فرماتے ہیں کہ میں نے سر اٹھا کر دیکھا تو وہ رسول اللہ صلی اللہ علیہ وآلہ وسلم تھے۔ [مصنف ابن ابي شيبه/ كتاب الأدب/حدیث: 28384]