حضرت علی رضی اللہ عنہ کا ارشاد ہے کہ جس زخم سے ہڈی نکل آئے اس میں پندرہ اونٹ ہیں۔ [مصنف ابن ابي شيبه/كتاب الديات/حدیث: 28521]

اٰل عمر کے ایک آدمی سے مرفوعا منقول ہے کہ جس زخم سے ہڈی نکل آئے اس میں پندرہ اونٹ ہیں۔ [مصنف ابن ابي شيبه/كتاب الديات/حدیث: 28522]

حضرت عمر بن عبدالعزیز کا ارشاد ہے کہ جس زخم سے ہڈی نکل آئے اس میں پندرہ اونٹ یا اس کے برابر سونا یا چاندی ہے۔ [مصنف ابن ابي شيبه/كتاب الديات/حدیث: 28523]

حضرت حسن کا ارشاد ہے جس زخم سے ہڈی نکل آئے اس میں پندرہ اونٹ ہیں۔ [مصنف ابن ابي شيبه/كتاب الديات/حدیث: 28524]

حضرت عطاء فرماتے ہیں کہ جس زخم سے ہڈی نکل آئے اس میں پندرہ اونٹ ہیں۔ [مصنف ابن ابي شيبه/كتاب الديات/حدیث: 28525]

حضرت ابن ابی ملیکہ کا ارشاد ہے کہ اس میں پندرہ اونٹ ہیں۔ [مصنف ابن ابي شيبه/كتاب الديات/حدیث: 28526]

حضرت عبداللہ نے فرمایا کہ جس زخم میں ہڈی نکل آئے اس میں پندرہ اونٹ پانچ حصوں میں کر کے دیے جائیں گے۔ [مصنف ابن ابي شيبه/كتاب الديات/حدیث: 28527]

حضرت علی رضی اللہ عنہ کا ارشاد کہ جس زخم سے ہڈی نکل آئے اس میں پندرہ اونٹ چار حصوں میں دیے جائیں گے، ایک چوتھائی پانچویں سال میں چلنے والے اونٹ، اور ایک چوتھائی چوتھے سال والے، اور ایک چوتھائی تیسرے سال میں چلنے والی اونٹنیاں اور ایک چوتھائی دوسرے سال میں چلنے والی اونٹنیاں۔ [مصنف ابن ابي شيبه/كتاب الديات/حدیث: 28528]

حضرت مکحول کا ارشاد ہے کہ رسول اللہ صلی اللہ علیہ وآلہ وسلم نے ایسے زخم کہ جس سے ہڈی نکل آئے پندرہ اونٹ کا فیصلہ فرمایا۔ [مصنف ابن ابي شيبه/كتاب الديات/حدیث: 28529]