حضرت انس سے مروی ہے کہ رسول اللہ صلی اللہ علیہ وآلہ وسلم نے دانت میں قصاص کا حکم دیا ہے اور فرمایا کہ ”کتاب اللہ…“ یعنی اللہ کا فرض کردہ وہ قصاص ہے۔ [مصنف ابن ابي شيبه/كتاب الديات/حدیث: 28888]

حضرت محارب ابن دثار کا ارشاد ہے کہ دو آدمی شریح کے پاس آئے ایک نے دوسرے کی ڈاڑھ نکال دی تھی اور دوسرے نے اول کی تو انہوں نے فرمایا یہ دانت بھی داڑھ کے بدلے ہوتا ہے لہٰذا تم دونوں چلے جاؤ۔ [مصنف ابن ابي شيبه/كتاب الديات/حدیث: 28889]

حضرت شعبی اور حسن کا ارشاد ہے کہ کسی ہڈی میں بھی سر اور دانت کے قصاص نہیں ہے۔ [مصنف ابن ابي شيبه/كتاب الديات/حدیث: 28890]

حضرت عامر کا ارشاد ہے کہ دانت کی وجہ سے قصاص لیا جائے گا۔ [مصنف ابن ابي شيبه/كتاب الديات/حدیث: 28891]

حضرت ابن جریج کا ارشاد ہے کہ میں نے عطاء سے پوچھا کہ آنکھ کا قصاص لیا جائے گا تو انہوں نے جواب دیا کہ ہاں اور دانت کا بھی قصاص ہوگا۔ [مصنف ابن ابي شيبه/كتاب الديات/حدیث: 28892]