حضرت یزید جعفی فرماتے ہیں کہ امام شعبی نے اس شخص کے بارے میں جس کو قتل کردیا گیا، پس اس کی بیوی نے اپنے خاوند کا خون معاف کردیا آپ نے یوں ارشاد فرمایا: قاتل دیت کے سات ثمن دے گا۔ [مصنف ابن ابي شيبه/كتاب الديات/حدیث: 29345]

حضرت حجاج فرماتے ہیں کہ حضرت عطاء نے ارشادفرمایا: عورت اپنے خاوند کے خون کو معاف کر دے تو بھی لازم ہوگی اور دیت سے آٹھواں حصہ معاف ہوگا۔ [مصنف ابن ابي شيبه/كتاب الديات/حدیث: 29346]

حضرت لیث فرماتے ہیں کہ حضرت طاؤس نے ایسی عورت کے بارے میں کہ جس کا خاوند قتل کردیا گیا ہو پس اس نے خاوند کے قاتل کو معاف کردیا، آپ نے ارشاد فرمایا: اس کا معاف کرنا جائز ہے اور عورت کا حصہ دیت میں سے ختم ہوجائے گا۔ [مصنف ابن ابي شيبه/كتاب الديات/حدیث: 29347]

حضرت شیبانی فرماتے ہیں کہ حضرت ابراہیم نے ارشاد فرمایا: ہر حصہ والے کو معافی کا حق حاصل ہے۔ [مصنف ابن ابي شيبه/كتاب الديات/حدیث: 29348]

حضرت شعبہ فرماتے ہیں کہ حضرت حکم اور حضرت حماد نے ایسے آدمی کے بارے میں جس نے آدمی کو قتل کردیا پھر اس کی بیوی نے اسے معاف کردیا۔ ان دونوں حضرات نے فرمایا جس نے ایسے آدمی یا عورت کو معاف کیا تو اس نے اس سے قتل کے گناہ کو معافی کے ذریعہ دور کردیا۔ [مصنف ابن ابي شيبه/كتاب الديات/حدیث: 29349]