حضرت شعبی فرماتے ہیں کہ حضرت عمر نے ارشاد فرمایا: خاوند اور بیوی ان دونوں کو معاف کرنے کا حق نہیں ہے۔ [مصنف ابن ابي شيبه/كتاب الديات/حدیث: 29350]

حضرت ابو معشر فرماتے ہیں کہ حضرت ابراہیم نے ارشاد فرمایا: شوہر اور بیوی کو خون میں معاف کرنے کا اختیار نہیں اس لیے کہ معاف کرنے کا اختیار مقتول کے اولیاء کو حاصل ہے۔ [مصنف ابن ابي شيبه/كتاب الديات/حدیث: 29351]

حضرت اسماعیل فرماتے ہیں کہ حضرت حسن بصری نے ارشاد فرمایا: شوہر اور بیوی کو خون مں ا معاف کرنے کا اختیار نہیں اور اگر ورثہ میں سے کوئی معاف کردے تو اس کا معاف کردینا جائز ہے اور دیت لازم ہوگی۔ [مصنف ابن ابي شيبه/كتاب الديات/حدیث: 29352]

حضرت صاعد بن مسلم فرماتے ہیں کہ حضرت شعبی نے ایسے شخص کے بارے میں کہ جس کو قتل کردیا گیا تھا اور اس نے اپنے پیچھے ایک بیٹی ایک بہن اور دو بیویاں چھوڑیں اور اس کی دونوں بیویوں میں سے ایک نے شوہر کا خون معاف کردیا۔ اس پر امام شعبی نے ارشاد فرمایا: عورت کو معاف کرنے کا اختیار نہیں ہے مگر اس عورت کو جو مقتول کی ذی رحم محرم ہو اور اس کا میراث میں حصہ بنتا ہو۔ [مصنف ابن ابي شيبه/كتاب الديات/حدیث: 29353]