حضرت سماک بن فضل فرماتے ہیں کہ ایک آدمی نے کسی بچہ کا اس کی پازیب سے گلا گھونٹ کر اسے مار دیا راوی کہتے ہیں: اس بارے میں حضرت عمر بن عبدالعزیز کو خط لکھا گیا تو آپ نے جواب لکھا: اس شخص کو قتل کردیا جائے۔ [مصنف ابن ابي شيبه/كتاب الديات/حدیث: 29428]

حضرت ہاشم فرماتے ہیں کہ حضرت ابراہیم نے ارشاد فرمایا: جب کسی کو گلا گھونٹ کر قتل کردیا تو قاتل کو بھی قصاصاً قتل کیا جائے گا۔ [مصنف ابن ابي شيبه/كتاب الديات/حدیث: 29429]

حضرت جابر فرماتے ہیں کہ حضرت عامر شعبی نے ارشاد فرمایا: جب آدمی نے دوسرے آدمی کا گلا گھونٹا اور اس کو نہیں چھوڑا یہاں تک کہ اسے قتل کردیا تو اس صورت میں قصاص ہوگا۔ اگر اس نے اسے چھوڑ دیا اس کے بعد وہ مرا تو اس پر دیت مغلظہ ہے۔ [مصنف ابن ابي شيبه/كتاب الديات/حدیث: 29430]

حضرت اشعث فرماتے ہیں کہ ایک آدمی نے جس نے کسی آدمی کو گلا گھونٹ کر ماردیا تو حضرت حکم نے فرمایا اس پر سخت خون بہا لازم کیا جائے گا۔ [مصنف ابن ابي شيبه/كتاب الديات/حدیث: 29431]

حضرت شعبہ فرماتے ہیں کہ حضرت حماد نے ارشاد فرمایا: یہ قتل خطا ہے۔ [مصنف ابن ابي شيبه/كتاب الديات/حدیث: 29432]