حضرت حجاج فرماتے ہیں کہ میں نے حضرت عطاء سے ایسے آدمی کے متعلق سوال کیا جو اپنی بیوی کو یوں کہہ دے: میں نے تجھے باکر نہیں پایا تو اس کا کیا حکم ہے؟ آپ نے فرمایا: اس پر کوئی چیز لاز م نہیں اس لیے کہ دوشیزگی اچھل کود، بیماری اور لڑکی کی شادی دیر سے کرنے کی صورت میں بھی زائل ہوجاتی ہے۔ [مصنف ابن ابي شيبه/كتاب الحدود/حدیث: 30187]

حضرت حکم بن ابان فرماتے ہیں کہ میں نے حضرت سالم سے ایسے آدمی کے متعلق سوال کیا جو اپنی بیوی کو یوں کہہ دے: میں نے تجھے باکرہ نہیں پایا؟ آپ نے فرمایا: کوئی حرج نہیں اس لیے کہ دوشیزگی اچھل کود اور کسی بھی چیز سے ختم ہوجاتی ہے۔ [مصنف ابن ابي شيبه/كتاب الحدود/حدیث: 30188]

حضرت شیبانی فرماتے ہیں کہ حضرت شعبی سے ایسے آدمی کے بارے میں مروی ہے جس نے باکرہ عورت سے شادی کی پھر یوں کہنے لگا: میں نے مجھے باکرہ نہیں پایا، آپ نے فرمایا، کوئی چیز لازم نہیں ہوگی۔ [مصنف ابن ابي شيبه/كتاب الحدود/حدیث: 30189]

حضرت یونس فرماتے ہیں کہ حضرت حسن بصری اس کو تہمت نہیں سمجھتے تھے۔ [مصنف ابن ابي شيبه/كتاب الحدود/حدیث: 30190]

حضرت مغیرہ فرماتے ہیں کہ حضرت ابراہیم سے ایسے آدمی کے بارے میں مروی ہے جس نے عورت سے شادی کی اور کہنے لگا: میں نے اسے باکرہ نہیں پایا: آپ نے فرمایا: اس پر کوئی حد نہیں ہوگی۔ [مصنف ابن ابي شيبه/كتاب الحدود/حدیث: 30191]

حضرت حضرت حکم فرماتے ہیں کہ حضرت ابراہیم نے ارشاد فرمایا: یہ تہمت نہیں ہے۔ [مصنف ابن ابي شيبه/كتاب الحدود/حدیث: 30192]

حضرت قتادہ فرماتے ہیں کہ حضرت سلیمان بن یسار، حضرت عطاء اور حضرت حسن بصری سے ایسے شخص بارے میں مروی ہے جس نے اپنی بیوی کو یوں کہا: میں نے تجھے باکرہ نہیں پایا؟ اس سب حضرات نے فرمایا، بیشک دوشیزگی کو اچھل کود اور مار دھاڑ بھی زائل کردیتی ہے۔ [مصنف ابن ابي شيبه/كتاب الحدود/حدیث: 30193]

ام المومنین حضرت عائشہ رضی اللہ عنہا فرماتی ہیں کہ اس شخص پر کوئی چیز لازم نہیں ہوگی اس لیے کہ دو شیز گی اچھل کود، حیض اور وضو سے بھی زائل ہوجاتی ہے۔ [مصنف ابن ابي شيبه/كتاب الحدود/حدیث: 30194]