حضرت ابوعبد اللہ الجدلی فرماتے ہیں کہ نبی داؤد یوں دعا فرمایا کرتے تھے: اے اللہ! میں تیری پناہ لیتا ہوں پڑوسی کی آنکھ سے جو مجھے دیکھتی ہے اور اس کے دل سے جو میری نگرانی کرتا ہے۔ اگر وہ کوئی بھلائی دیکھتا ہے تو اسے چھپا لیتا ہے۔ اور اگر وہ کوئی برائی دیکھتا ہے تو اس کو پھیلا دیتا ہے۔ [مصنف ابن ابي شيبه/كتاب الدعاء/حدیث: 31881]

حضرت ابن ابی ملیکہ فرماتے ہیں کہ جب حضرت ابن عباس رضی اللہ عنہما کے پاس افطاری کے لیے کھانا لایا جاتا تو آپ اس سے پہلے دعا فرماتے، اور ہمیں خبر پہونچی ہے کہ ا س سے پہلے دعا قبول ہوتی ہے۔؎ [مصنف ابن ابي شيبه/كتاب الدعاء/حدیث: 31882]