حضرت عبد الرحمن بن ابزی فرماتے ہیں کہ حضرت ابی نے ارشاد فرمایا: کتاب اللہ کی جو چیز واضح ہے اس پر عمل کرو۔ اور جو چیز تم پر غیر واضح ہو اس پر ایمان لاؤ اور اس کو علم والے کو سونپ دو۔ [مصنف ابن ابي شيبه/كتاب فضائل القرآن/حدیث: 32027]

حضرت زبید فرماتے ہیں کہ حضرت عبد اللہ بن مسعود رضی اللہ عنہ نے ارشاد فرمایا: قرآن کے لیے بھی نشان ہیں جساپ کہ راستہ کے نشان ہوتے ہیں۔ پس جو تمہیں سمجھ آجائے اس کو مضبوطی سے تھام لو اور جو تم پر واضح نہ ہو تو اس کو چھوڑ دو۔ [مصنف ابن ابي شيبه/كتاب فضائل القرآن/حدیث: 32028]

حضرت ربیع بن خثیم نے فرمایا: جو چیز قرآن میں سے تم پر مشتبہ ہوجائے اسے اللہ اور اس کے رسول کی طرف لوٹاؤ۔ [مصنف ابن ابي شيبه/كتاب فضائل القرآن/حدیث: 32029]

حضرت عبد اللہ بن سلمہ فرماتے ہیں کہ حضرت معاذ نے ارشاد فرمایا: باقی قرآن کے لیے بھی واضح نشان ہیں جیسا کہ راستہ کے نشان ہوتے ہیں جو کسی پر بھی مخفی نہیں ہوتے۔ پس جو کچھ تمہیں اس میں سے سمجھ آجائے تو اس کے بارے میں کسی سے مزید سوال مت کرو، اور جو چیز تمہیں شک میں ڈالے تو اس کو علم والے کی طرف سونپ دو۔ [مصنف ابن ابي شيبه/كتاب فضائل القرآن/حدیث: 32030]