حضرت عطیہ فرماتے ہیں کہ حضرت ابو سعید نے اللہ کے قول (کہو یہ اللہ کے فضل سے اور اس کی رحمت سے ہے سو ا س پر ان کو خوش ہونا چاہیے) کے بارے میں ارشاد فرمایا: اللہ کے فضل سے مراد قرآن ہے، اور اس کی رحمت سے مراد: یہ کہ تمہیں قرآن کا اھل بنادیا جائے۔ [مصنف ابن ابي شيبه/كتاب فضائل القرآن/حدیث: 32061]

حضرت منصور فرماتے ہیں کہ اللہ کے اس قول (کہو یہ اللہ کے فضل سے اور اس کی رحمت سے ہے سو اس پر ان کو خوش ہونا چاہیے۔ یہ بہتر ہے ان سب چیزوں سے جو وہ جمع کر رہے ہیں)۔ حضرت ھلال بن یساف نے ارشاد فرمایا: کتا باللہ اور اسلام بہتر ہیں ان چیزوں سے جو وہ جمع کر رہے ہیں۔ [مصنف ابن ابي شيبه/كتاب فضائل القرآن/حدیث: 32062]

حضرت عطیہ فرماتے ہیں کہ اللہ کے قول: (کہو یہ اللہ کے فضل اور اس کی رحمت سے ہے) کے بارے میں حضرت ابن عباس رضی اللہ عنہما نے ارشاد فرمایا: اللہ کے فضل سے مراد اسلام، اور اس کی رحمت سے مراد یہ ہے کہ تمہیں قرآن کا اھل بنادیا جائے۔ [مصنف ابن ابي شيبه/كتاب فضائل القرآن/حدیث: 32063]

حضرت قاسم فرماتے ہیں کہ حضرت مجاہد نے ارشاد فرمایا: فضل سے مراد قرآن ہے۔ [مصنف ابن ابي شيبه/كتاب فضائل القرآن/حدیث: 32064]

حضرت منصور فرماتے ہیں کہ حضرت سالم نے ارشاد فرمایا: آیت: کہو یہ اللہ کے فضل اور اس کی رحمت سے ہے! سے مراد اسلام اور قرآن ہیں۔ [مصنف ابن ابي شيبه/كتاب فضائل القرآن/حدیث: 32065]