حضرت عکرمہ فرماتے ہیں کہ حضرت ابوبکر نے پوچھا! اے اللہ کے رسول (صلی اللہ علیہ وآلہ وسلم)! آپ کو کس چیز نے بوڑھا کردیا؟ آپ صلی اللہ علیہ وآلہ وسلم نے فرمایا: سورت ہود اور واقعہ، المرسلات اور عم یتساء لون اور اذا الشمس کورت نے مجھے بوڑھا کردیا۔ [مصنف ابن ابي شيبه/كتاب فضائل القرآن/حدیث: 32273]

حضرت زر فرماتے ہیں کہ حضرت حذیفہ رضی اللہ عنہ نے ارشاد فرمایا: لوگ اسے سورت التوبہ کہتے ہیں حالانکہ یہ عذاب والی سورت ہے، یعنی سورت بَرَائَۃَ۔ [مصنف ابن ابي شيبه/كتاب فضائل القرآن/حدیث: 32274]

حضرت ایوب فرماتے ہیں کہ حضرت عکرمہ نے ارشاد فرمایا: سورت بَرَائَۃَ مسلسل نازل ہوتی رہی یہاں تک کہ محمد (صلی اللہ علیہ وآلہ وسلم) کے اصحاب اس سورت سے ڈر گئے۔ اور اس کا نام فاضحہ رکھ دیا گیا۔ [مصنف ابن ابي شيبه/كتاب فضائل القرآن/حدیث: 32275]