ابن جریج عطاء سے اس آدمی کے بارے میں روایت کرتے ہیں جو مرجائے اور اپنے مولیٰ اور دادا اور بھائی کو چھوڑ جائے کہ اس کے مولیٰ کی ولاء کس کو ملے گی؟ فرمایا کہ وہ ان دونوں کے درمیان آدھی آدھی تقسیم ہوگی۔ [مصنف ابن ابي شيبه/كتاب الفرائض/حدیث: 33681]

سفیان فرماتے ہیں کہ مجھے زہری سے یہ بات پہنچی ہے کہ ولاء دادا کے لئے ہے۔ [مصنف ابن ابي شيبه/كتاب الفرائض/حدیث: 33682]

ابن ابی ذئب زہری سے اس آدمی کے بارے میں روایت کرتے ہیں جو اپنے دادا اور بھائی کو چھوڑ جائے، فرمایا کہ ولاء دادا کے لئے ہوتی ہے، کیونکہ آدمی کی نسبت دادا کی طرف ہوتی ہے بھائی کی طرف نہیں ہوتی۔ [مصنف ابن ابي شيبه/كتاب الفرائض/حدیث: 33683]