حضرت ذھل بن اوس رحمہ اللہ فرماتے ہیں کہ حضرت تمیم بن مسیح رحمہ اللہ نے ارشاد فرمایا: کہ میں گھر سے نکلا اس حال میں کہ میرا کوئی بچہ نہیں تھا پس مجھے راستہ میں ایک نومولود بچہ ملا جس کا باپ معلوم نہیں تھا۔ میں نے حضرت عمر رضی اللہ عنہ کو اس کی خبر دی تو آپ رضی اللہ عنہ نے اس کے لیے میرے عطیہ میں سو درہم کا اضافہ فرما دیا۔ [مصنف ابن ابي شيبه/كتاب السير/حدیث: 35146]

حضرت اعمش رحمہ اللہ فرماتے ہیں کہ حضرت زھیر عبسی رحمہ اللہ نے ارشاد فرمایا: کہ ایک آدمی کو نومولود بچہ پڑا ہوا ملا جس کا باپ معلوم نہیں تھا پس وہ اس بچہ کو حضرت علی رضی اللہ عنہ کے پاس لے آیا۔ آپ رضی اللہ عنہ نے اس کو آزاد قرار دیا۔ اور اس کے لیے سور درہم مقرر کردیے۔ [مصنف ابن ابي شيبه/كتاب السير/حدیث: 35147]

حضرت موسیٰ جھنی رحمہ اللہ فرماتے ہیں کہ میں نے ایک ولد الزنا کو دیکھا کہ حضرت علی رضی اللہ عنہ نے اس کے لیے سو درہم مقرر کردیے۔ [مصنف ابن ابي شيبه/كتاب السير/حدیث: 35148]