حضرت ابن عباس رضی اللہ عنہما سے روایت ہے کہ رسول اللہ صلی اللہ علیہ وآلہ وسلم نے ارشاد فرمایا: جو اپنے دین کو بدل لے تو اس کو قتل کردو۔ [مصنف ابن ابي شيبه/كتاب الرد على أبي حنيفة/حدیث: 39249]

حضرت عبد اللہ بیان کرتے ہیں کہ رسول اللہ صلی اللہ علیہ وآلہ وسلم نے ارشاد فرمایا: کسی مرد مسلم جو یہ گواہی دیتا ہو کہ اللہ کے سوا کوئی معبود نہیں ہے اور میں (محمد (صلی اللہ علیہ وآلہ وسلم)) اللہ کا رسول ہوں۔ کا خون تین چیزوں میں سے کسی ایک بغیر حلال نہیں ہے۔ شادی شدہ زانی، جان کے بدلہ میں جان اور اپنے دین کو چھوڑنے والا اور جماعت سے جدائی کرنے والا۔ [مصنف ابن ابي شيبه/كتاب الرد على أبي حنيفة/حدیث: 39250]

حضرت حسن سے مرتد عورت کے بارے میں منقول ہے کہ اس سے توبہ کرنے کو کہا جائے گا اگر وہ توبہ کرلے تو ٹھیک۔ وگرنہ اس کو قتل کردیا جائے گا۔ [مصنف ابن ابي شيبه/كتاب الرد على أبي حنيفة/حدیث: 39251]

حضرت ابراہیم فرماتے ہیں کہ مرتد عورت کو قتل کیا جائے گا۔ [مصنف ابن ابي شيبه/كتاب الرد على أبي حنيفة/حدیث: 39252]

حضرت حماد فرماتے ہیں کہ مرتد عورت کو قتل کیا جائے گا۔ اور (امام) ابوحنیفہ کا قول لوگ یہ ذکر کیا گیا ہے کہ: اگر عورت مرتد ہوجائے تو اس کو قتل نہیں کیا جائے گا۔ [مصنف ابن ابي شيبه/كتاب الرد على أبي حنيفة/حدیث: 39253]