سیدنا ابومسعود انصاری رضی اللہ عنہ بیان کرتے ہیں: نبی کریم صلی اللہ علیہ وسلم نے اس بات سے منع کیا ہے کہ امام کسی چیز کے اوپر کھڑا ہو اور لوگ اس سے پیچھے موجود ہوں، راوی کہتے ہیں: یعنی اس سے نیچے زمین پر موجود ہوں۔ [سنن الدارقطني/ كِتَابُ الْجَنَائِزِ/حدیث: 1881]

سیدنا ابومرثد غنوی رضی اللہ عنہ، جنہیں غزوہ بدر میں شرکت کا شرف حاصل ہے، بیان کرتے ہیں: نبی کریم صلی اللہ علیہ وسلم نے یہ بات ارشاد فرمائی ہے: ”اگر تم یہ چاہتے ہو کہ تمہاری نماز قبول ہو جائے، تو تمہارے بہترین لوگ تمہاری امامت کریں، کیونکہ وہ تمہارے اور تمہارے پروردگار کے درمیان نمائندے کی حیثیت رکھتے ہیں۔“ اس روایت کی سند ثابت نہیں ہے، اس روایت کا راوی عبداللہ بن موسیٰ ضعیف ہے۔ [سنن الدارقطني/ كِتَابُ الْجَنَائِزِ/حدیث: 1882]