مغیث بن سمی رحمہ اللہ نے فرمایا: ﴿طُوبَىٰ لَهُمْ وَحُسْنُ مَآبٍ﴾ یعنی جنت میں ایک درخت ہے جس کی ہر شاخ ہر گھر والے پر سایہ کرے گی، اس میں ہر قسم کا پھل ہوگا، اور اس پر اونٹوں جیسے پرندے ہوں گے، جب کوئی جنتی کسی پرندے کو کھانا چاہے گا تو وہ اس کے دسترخوان پر آ بیٹھے گا، ایک جانب سے بھنا ہوا ہوگا اور دوسری جانب سے خشک گوشت ہوگا، پھر وہ پرندہ دوبارہ اڑ جائے گا۔ [سنن سعید بن منصور/كِتَابُ التَّفْسِيرِ/حدیث: 1170]

سیدنا ابن مسعود رضی اللہ عنہ سے روایت ہے: رسول اللہ صلی اللہ علیہ وسلم نے فرمایا: تم کسی پرندے کو دیکھو گے اور اسے کھانے کی خواہش کرو گے تو وہ تمہارے سامنے بھنا ہوا گر پڑے گا اور تم اسے کھا لو گے۔ [سنن سعید بن منصور/كِتَابُ التَّفْسِيرِ/حدیث: 1171]