سیدہ عائشہ صدیقہ رضی اللہ عنہا بیان کرتی ہیں: نبی اکرم صلی اللہ علیہ وسلم نے یہ آیت تلاوت کی۔
”وہی وہ ذات ہے، جس نے تم پر کتاب نازل کی ہے، جس میں بعض محکم آیات ہیں اور دوسری متشابہ ہیں۔“
(یہ آیت یہاں تک ہے) ”سمجھدار لوگ۔“
سیدہ عائشہ صدیقہ رضی اللہ عنہا بیان کرتی ہیں: نبی اکرم صلی اللہ علیہ وسلم نے ارشاد فرمایا:
”جب تم ان لوگوں کو دیکھو جو اس بارے میں بحث کرتے ہیں، تو یہ وہ لوگ ہیں، جواللہ تعالیٰ نے مراد لئے ہیں، تو تم ان لوگوں سے بچو۔“
مطر نامی راوی کہتے ہیں: مجھے یہ بات یاد ہے، روایت میں یہ الفاظ بھی ہیں۔
تم ان لوگوں کے ساتھ نہ بیٹھنا، کیونکہ یہ وہ لوگ ہیں، جواللہ تعالیٰ نے مراد لئے ہیں، تو تم ان سے بچنا۔“
امام ابن حبان رحمہ اللہ فرماتے ہیں: ایوب نے یہ روایت مطر وراق اور ابن ابوملیکہ دونوں سے سنی ہے۔
[صحیح ابن حبان/كِتَابُ العِلْمِ/حدیث: 76]