ابومالک اشجعی بیان کرتے ہیں: میں نے اپنے والد رضی اللہ عنہ کو یہ بیان کرتے ہوئے سنا ہے، وہ کہتے ہیں: میں نے نبی اکرم صلی اللہ علیہ وسلم کو یہ ارشاد فرماتے ہوئے سنا: ”جو شخص اللہ تعالیٰ کی وحدانیت کا اعتراف کرے اور اس کے علاوہ جتنی چیزوں کی عبادت کی جاتی ہے، ان کا انکار کرے، تو اس شخص کا مال اور اس کی جان قابلِ احترام ہوں گے اور اس شخص کا حساب اللہ کے ذمے ہو گا۔“ [صحیح ابن حبان/كِتَابُ الإِيمَانِ/حدیث: 171]