سیدنا ابوہریرہ رضی اللہ عنہ نبی اکرم صلی اللہ علیہ وسلم کے حوالے سے اللہ تعالیٰ کا یہ فرمان نقل کرتے ہیں: ”جو شخص کسی نیکی کا ارادہ کرتا ہے اور وہ اس پر عمل نہیں کرتا تو میں اس کے لیے ایک نیکی نوٹ کر لیتا ہوں، اگر وہ اس پر عمل کر لیتا ہے تو میں اس کے لیے دس گنا سے سات سو گنا تک نوٹ کر لیتا ہوں، اگر وہ ایک برائی کا ارادہ کرتا ہے اور وہ اس پر عمل نہیں کرتا تو میں اس کے خلاف کچھ نوٹ نہیں کرتا، اگر وہ اس پر عمل کر لیتا ہے تو میں اس کے خلاف ایک برائی نوٹ کرتا ہوں۔“ [صحیح ابن حبان/كِتَابُ البِرِّ وَالإِحْسَانِ/حدیث: 384]